Curve (2016, Australia) - Short Film Intro By Tamil | இருண்ட வளைந்த மரணக் கிணறு

மயக்கத்திலிருந்து  கண் விழித்து பார்த்தால் உங்களுக்கு ஒரு அதிர்ச்சி , நீங்கள் ஒரு வளைந்த வடிவிலான மென்மையான பாறையில் மேல் உள்ளீர்கள் , அது கொஞ்சம் கொஞ்சமாக உங்களை வழுக்கி,  கீழே உள்ள இருண்ட பாதாளத்திற்கு  இழுத்து சென்று விடக்கூடிய பாறை , ஏற்கனவே உங்கள் கைகளில் எல்லாம் ரத்தக்கறை இரு கைகளின் மூலம் நம்முடைய முழு பலனை செலுத்தி அந்த மரணத்திலுருந்து தக்கவைத்துள்ள ஒரு பெண் போராடிக்கொண்டு இருக்கிறார் . கவனித்து பார்த்தல்  இதிலிருந்து மேலே செல்வது சாத்தியமில்லாத காரியமாக தெரிகிறது . கரணம் தப்பினால் மரணம் , நினைத்து பார்க்க முடியாத ஒவ்வொரு நொடிகள் , கன்னிவெடி மேல் கால் வைத்ததை போல கொஞ்சம் நகர்ந்தாலும் நாம் உள்ளே வழுக்கி வேகமாக இழுத்து சென்று அந்த பெரிய குழிக்குள்  விழ வேண்டியதுதான் . நடக்கும் அடுத்த பரபரப்பான பத்து நிமிடங்கள் தான் இந்த குறும்படம் . என்ன ஆனது முடிவு என்ன என்பதை நீங்கள் பார்த்து தெரிந்துகொள்ளலாம் . படத்தினை இங்கே இறுதியில்  காணலாம் . 

Curve (2016)

படத்தின் ஒளிப்பதிவும் எடிட்டிங் மிக துல்லியமாக காட்சிப்படுத்தப்பட்டு  உள்ளது , இதற்கான மெனக்கெடல்களும் உழைப்பும் பார்க்கும் போதே புரியும், நிச்சயம் அவர்கள் ஒதுக்கும் தொகை அதிகமாகத்தான் இருக்கும் , ஆனால் நானும் பள்ளிக்கூடம் போகிறேன் என நம் நண்பர்கள் குறும்பட துறையில் ஏன் இன்னும் புதிதாக ஒன்றை செய்யாமல் தவிர்க்கிறார்கள் என யோசிக்கிறேன்  . ஏற்கனவே பார்த்த ஒன்றை மீள் எடுக்க , அவர்கள் இதுபோல சில படு சுவாரசியமான Genre களில் ஒன்றை தேர்வுசெய்து உருவாக்கிடலாம் . சரி சினிமா என்பது அவரவர் குழந்தை அவரர் விருப்பம் .  நாயகியின் நடிப்பு அருமை , லாரா ஜேன் டர்னர் தான் முக்கியமான கதாபாத்திரத்தில் நடித்துள்ளார் , சில குறும்படங்கள் மட்டுமே நடித்த நாயகி  நமக்கும் அங்கே சிக்கிகொண்டுள்ள ஒரு பரபரப்பை தந்துவிடுகிறார்  . The Walk என்ற படத்தின் உயர்ந்த இரு  பில்டிங் நடுவில் கயிறு கட்டி நடக்கும் படம் ஒருவரை பற்றிய படம் அதை பார்த்தபோது கையெல்லாம் படபடத்து வியர்வை வருமளவிற்கு இருந்தது  , அதே போலொரு Lite உணர்வை இந்த குறும்படமும் தந்தது . 

My View குறும்பட பார்வை :

ஒரே இடத்தில் ஒரே ஒரு கதாபாத்திரத்தை மட்டுமே வைத்து ஒரு திகில் திரைப்பட அனுபவத்தை தரக்கூடிய பல உலக சினிமாக்களை ஏற்கனவே பார்த்து இருப்பீர்கள் . அதிலும் குறிப்பிட்ட ஒரு சிக்கலில் மாட்டிக்கொண்டு அதிலிருந்து தப்பிப்பது தொடர்பான படங்கள் ஏராளம் . இதில்  பலரின் Fav இன்று வரை இருக்கும் படம் Buried என நம்புகிறேன் . ஆக நான் பார்த்த எத்தனை எத்தனையோ Survival கான்செப்ட் படங்கள் தற்போது பார்க்கையில் எனக்கு எந்த ஒரு வித புது அனுபவத்தை தராது , சொல்லப்போனால் ஏற்க்கனவே இதே போல ஒரு படத்தை பார்த்துள்ளேன் என்பது மட்டும் நினைவில் இருக்கும் . ஆனால் நான் பார்த்த இந்த குறும்படம் எனக்கு முற்றிலும் புதிது . இந்த பெரியில் 2015 ஆம் ஆண்டு ஒரு ஹாலிவுட் படமும் வந்துள்ளது  , அதுவும் ஒரு இன்டர்ஸ்டிங் ஆன படம்தான் , அது ஹாரர் த்ரில்லர் பிரியர்களுக்கு பிடிக்கும் மற்றவர்களுக்கு பிடிக்காது . 

இந்தக் குறும்படம் தீடீரென பயமுறுத்தி அலற விடும் ஹாரர் குறும்படமில்லை , ஒரு மரண பள்ளத்தாக்கில் வழுக்கும் பாறைகளில் மீது சிக்கிக்கொண்டுள்ள ஒரு பெண்ணை சுற்றி எடுத்துள்ள ஓகே வான த்ரில்லர் குறும்படம் தான் , சாதாரணமாக மேலோமோடமாக ஒரு 10 நிமிட தான் , ஆனால் மறைந்துள்ள மர்மம் அவரர் நோக்கிற்க்கேற்ப எடுத்துக்கொள்ளலாம் . உதாரணத்திற்கு நகரத்திற்கான வழி , உண்மையை சொல்லப்போனால் இந்தக்குறும்படம் பேசக்கூடிய ஒரு மையக்கருவை பல விஷயங்களில் நாம்  பொருந்திப் போகலாம் . பார்க்கும் போது உங்களுக்கு புரியும் . 

பார்ப்பதற்கு பெரிய அணைக்கட்டு அல்லது தண்ணீர் தேக்கம் , அல்லது எதோ மர்ம கிணறு போல காட்சிதரும் இந்த பள்ளத்தாக்கு அனுபவம் 10 நிமிடங்கள் கடுமையான சூழலை எதிர்கொள்ள வேண்டிய அச்சம் , உயிர்பிழைக்க போராட்டம் , இந்த பதற்றத்திலும் நம்பிக்கை என அப்படியே நகரும். 

ஒரு குறும்படத்தினை அறிமுகம் செய்வதன் அவசியம் அதனை எவ்வளவு சுருக்கமாக சுவாரசியமாக அறிமுகம் செய்யமுடியுமோ அதனை செய்து , கட்டுரையை முடிந்தவரை  குறுகிய வடிவில் இருக்க வைத்தல் மிக நல்லது என  கருதுகிறேன் , ஒரு திரைப்படம் எடுக்கும் அளவிற்க்கு இதுபோன்ற கதைகளில் முன்கதை பின்கதைகளை புகுத்தி எடுத்திருக்க முடியும் , இருந்தாலும் இதனை குறும்படமாகவே வெளியிட்டு இருப்பது பாராட்டத்தக்கது .  இதனை  பற்றி  என்னதான் நீட்டி முழக்கி சொன்னாலும் அங்கே இருப்பது வெறும் பத்து நிமிடம் தான்  மீண்டும் சொல்கிறேன் . ஒரு சிறிய உணவு  இடைவெளி கேப்பில் கூட  இதனை நீங்கள் பார்த்துவிடலாம் . நிச்சயம் ஏமாற்றாது . 

முடிவாக :

இந்த திரைப்படம் எல்லா தரப்பட்ட சினிமா பிரியர்களுக்கு பிடித்து விடும் என சொல்ல முடியாது .  Letterboxd இதர தளங்களில் குறைந்த சரசியான மதிப்பீட்டை வழங்கி யுள்ளார்கள் . என்னை பொறுத்தமட்டில் தனிப்பட்ட விருப்ப அடிப்படியில் 3 / 5 Letterboxd யில் கொடுத்துள்ளேன் . எனக்கு இதுபோன்ற பரபரப்பான  கதைகளில் வரும் படங்கள் பிடிக்கும் .  

த்ரில்லர் , மர்மம் திகில் அனுபமுள்ள படம் தான் , தாராளமாக டிவியில் பார்க்கலாம் . 

இயக்குனரை பற்றி :

டிம் ஏகன் ஆஸ்திரேலியாவை சேர்ந்தவர் , இதற்குமு பின்பு 6 எபிசோட் கொண்ட கொண்ட ஒரு வெப் சீரீஸ் ஒன்றை உருவாக்கி இருக்கிறார் . இதுதான் முதல் குறும்படம் , தானே ஒளிப்பதிவு செய்து எடிட்டிங் உம்  செய்து எழுதி இயக்கி இருப்பது கூடுதல் சிறப்பு , சில ஹாரர் படங்களுக்கு ஒளிப்பதிவாளராக முன்பே பணியாற்றி இருக்கிறார் . 

விருதுகள் :

2016 ஆம் ஆண்டு வெளியான இந்தக்குறும்படம் Tribeca , Fantastic Fest , TIFF , IFFF மற்றும் IHorror என இன்னும் பல குறும்பட விழாக்களிகள் பங்குகொண்டு விருதுகளையும் வென்றுள்ளார் . மற்றும் சினிமா பிரியர்கள் பலரின் பாராட்டுகளையும் , லச்சக்கணக்கான பார்வைகளையும் பெற்றுள்ளது இந்தக் குறும்படம் . பிறகு ஷார்ட் ஆப் தி வீக் தளத்தில் கடந்த வருடம் பதிவேற்றபட்டு கூடுதல் பார்வையாளர்களை சென்றுள்ளது . 

குறும்பட தகவல்கள் :

Trailer :

எங்கே காணலாம் , Where To Watch :

இந்த திரைப்படத்தினை தற்போது Vimeo மற்றும் Youtube தளங்களில் இலவசமாக காணலாம் . பார்த்துவிட்டு உங்களின் கருத்தை இங்கே பதிவு செய்யுங்கள்  . நன்றி நான் இரவு தூங்குவதற்கு முன்பு எதார்த்தமாக Youtube ஐ நோண்டிக்கொண்டு இருக்கையில் தான் பார்த்தேன் . இப்படி ஒரு சம்பவத்தை கற்பனை செய்து பார்க்கவே ஒரு மாதிரி இருக்கிறது . இருண்ட கருப்பு பள்ளத்தாக்கு , நுனியில் பிடியில் ஒவ்வொரு அடியும் மரணத்திற்கான வழி என்றால் ஐயோ .