Listen (2020,Portugal) - Film Intro By Tamil | சமூக ஆர்வலர்களிடமிருந்து குழந்தைகளை மீட்க பாசப் போராட்டம்

குழந்தைகள் நலன் சார்ந்து வரும் திரைப்படங்கள் எதாவது உண்டா என தேடுகையில் 2020 ல் வெளியான  திரைப்படங்களின் முன்னோட்டம் கவனம் ஈர்த்தது . ஒன்று Listen (2020)  & Oskar Lilli , Any Day Now (2020)  மற்றொன்று Father (2020) செர்பியா நாட்டு திரைப்படம் . அதில் Listen  திரைப்படம் மிக முக்கிமான ஒன்று . சிறந்த வெளிநாட்டு படங்கள் பிரிவில் ஆஸ்காருக்கு அனுப்பட்டு பிறகு நிகாரிக்கப்பட்டது . படத்தில் ஆங்கில வசனங்கள் அதிகமாக இருந்தது தான் காரணம் என்றும் சொல்கிறார்கள் , உண்மையில் மிக முக்கியமான விஷயத்தை பற்றி ஆராய்ந்து பேசியிருக்க கூடிய படம் .  ... வாய்ப்பு கிடைப்போர்  அவசியம் பாருங்கள் . 

குழந்தைகளின் நலன் அவர்களின் வாழ்வியல் குடும்ப பொருளாதாரம் எல்லாம் வளர்ந்த நாடுகளில் அதீதமாக கவனிக்கப்படும் . உதாரணத்திற்கு குறிப்பிட்ட சூழலில் குழந்தைகளை வாழ வைக்க முடியாத பட்சத்தில் , அவர்கள்  சொல்வதிலும் , உடல் மாறுபாடுகள் அல்லது எதாவது தனிப்பட்ட பிரச்சனைகளை கண்டறிவதிலும் அரசாங்கம் மும்முரம் செலுத்தும் .  அவர்களை அரசியல் சட்டப்படி அங்குள்ள குழந்தைகள் நலன் சமூக ஆர்வலர்கள் குடும்பத்திடம் இருந்து  பிரித்து இவர்களை வலுக்கட்டாயமாக அவர்களின் மேற்பார்வையில் கீழ் இயங்கும் மையங்களிலோ அல்லது குறிப்பிட்ட இடங்களில் வைத்து  கவனித்துக்கொள்வார்கள் . 

இது யாரோ ஒருவருக்கு ஏற்கனவே நடந்த சம்பவத்தின் பிரதிபலிப்பாக கூட இருக்கலாம், ஆனால் நடைமுறைக்கு சாத்தியமான சில கூறுகள் இதில் அடங்கியுள்ளன , போர்த்துகீசிய குடும்பம் மூன்று குழந்தைகளோடு  தற்போது லண்டனில் வசித்து வருகிறார்கள்.  அன்றாட வாழ்வில் பிழைப்பை நடத்த  அங்குள்ள பொதுப்பணி சுகாதார துறை மற்றும் வீட்டுப்பணி , என பணிபுரிந்து குடும்பத்தை பார்த்துக்கொள்கிறார்கள் . காது கேர்க்காத  தனது மகளை பள்ளியில் விட்டு வரும்போது , உங்களின் குழந்தையின் காது கேற்கும் கருவி செயல் படவில்லை மேலும் அவள் உடம்பில் சில மாறுதல்கள் தென்படுகிறது , வீட்டில் எதாவது பிரச்னை இருக்கலாம் , அதானல் இன்று சமூக குழந்தை நல ஆர்வலர்கள் பள்ளிக்கு வர இருப்பதாக தகவல் தெரிவிக்கப்படுகிறது . அதனை தொடர்ந்து நடக்கும் சம்பவங்கள்,   அதற்கு பிறகு அவர்கள் தங்கள் குழந்தைகளை மீட்டார்களா இல்லையா குழந்தைகளுக்கு பின்னால் இருக்கும் கதை என்ன ??? என்பது  தான் இந்த திரைப்படம் .

மேலே சொன்னதைப்போல Father (2020)  செர்பியா நாட்டுப் படமும் அவசியம் பார்க்க வேண்டிய ஒன்று , கூடுதலாக Any Day Now 2020 என்ற படத்தையும் பாருங்க  இது ஈரானில் இருந்து பின்லாந்தில் வசிக்கும் மற்றுமொரு கதை இதிலும் சில காட்சிகள் கவனத்தை பெரும் . மேலும் ஆஸ்திரியா நாட்டு படமான Oskar & Lilli 2020 யும் பார்க்கவும்  .  Case 39 என்ற படத்தை பற்றி ஏற்கனவே நமது தளத்தில் பதிவு செய்து இருக்கிறேன் . ஆனால் அந்தப்படம் நீங்கள் எதிர்பார்க்காத ஒன்றை செய்யும் . நேரமிருந்தால் அதையும் பாருங்கள்  ,, அதுவும் குழந்தை நலன் ஆர்வலர் மற்றும்  குழந்தை சார்ந்த படம் தான் ஆனால் ஹாரர் கான்செப்ட் . 

குறைந்த மணி நேரங்கள் மட்டுமே ஓடக்கூடிய இந்தப்படம் , அரசாங்கத்திற்கு எதிராகும் சமூகத்தின் பின்னணியில் நடக்கும் முக்கியமான விஷயத்தையும் பற்றி மேலோட்டமாக பேசுகிறது . இதுபோன்ற  கதைகளுக்கு உலக திரைப்படவிழாவில் எப்போதும் ஒரு குறிப்பிட்ட கவனம் இருக்கும் , அந்த வகையில் இந்த படத்தையும் பல சினிமா விரும்பிகள் கவனத்திற்கும் பார்வைக்கும் சென்றது . 

நன்றி .

தற்போது அமேசானில் காண கிடைக்கிறது .